علاش في ناس لما تشبح واحد تعرفه ادور في وجهها

السلام عليكم
هناك ظاهرة مش خاشتلي دماغ بكل وبندوي بالليبي لان الفصحى ماعنديش فيها
المهم
قبل ايام واني ماشي في الشارع جت عيني بعيني صديق(مش صديق مقرب لكن نعرفوا بعض )كان يقرا معاي ايام القرايه المهم لما شبحني دور وجهه طول بسرعه وكأنه مايعرفنيش او ناقم علي اني خشتلي ريح قلت خيره اهوا
ومادورتاش وقلت في خاطري هو الخاسر هدرزة عالموضوع للجماعه قالولي نفس القصه اتصير معنا
بالله عليكم لماذا نتهرب ونتجنب ملاقاة اشخاص واناس كانت تجمعنا بهم علاقة(صداقة.او عمل .اوكنا اجيران) شن فيها لو سلمنا على بعضنا البعض ولا على الاقل ابتسمنا في وجه بعضنا البعض
الم يقل النبي عليه ازكى الصلاة والسلام
**تبسمك في وجه اخيك صدقة**
ما رأيكم اخواني في هاده الظاهرة ؟؟
الا تعيشونها وتلاحظونها انتم ايضا؟؟
ألم يسبق لاحد منكم ان صادف وعاش حادث كهذا؟؟

مرحبا

ايوة هي ظاهرة فعلا وموجودة
في الواقع هي ظاهرة نفسية اكثر منها اجتماعية
في هديك اللحظة بيتصور هالصديق انه لو قالك خير انت مش حتعرفه او ممكن انت اديرله نفس اللقطة متاع الانكار
فياخدها من قصيرها زعماتك باش يجنب نفسه الاحراج
بمعنى اوهام بدور في راسه في تلك اللحظة .
الحل الصحيح
في حالة لو تقابلت او تصادفت مع واحد تعرفه وجت عينك في عينه فبادر انت بالترحاب
وحتى لو تاخرت وصارت اللقطة اللي دارها هالصديق .. معليش تنازل شوية انت واوقف سلم عليه وتبسم في وجهه
وصدقني هو وحدة من اتنين حيقولك
اما انه مزال ماعرفكش او انه كانت شيرته مدهوبة ومش مركز
انت ماتزعلش واضحك معاه ولو تقدر اعزمه على نسكافيه لو انك في الشارع وفاضيين الزوز
وبهذا حتعلمه درس في السلوك وحتكسب صديق جيد
يعني بالفلاقي هكي التريس تعرف بعضها
وبالنسبة للبنات نفس الشي ديمة خليك الاحسن

والله اعلم

صح كلمك مزبوط يامراد
وهدا شي موجود في مجتمعنى

بصراحة صحيح كلامك ياابلة تقبلو مروري

ظافر كتب:: صح كلمك مزبوط يامراد
وهدا شي موجود في مجتمعنى

ان شاء الله ربي يهدي يا ظافر
منور على المرور الكريم

ayaa كتب:: بصراحة صحيح كلامك ياابلة تقبلو مروري

بارك الله فيك يا اية وانا معاك صحيح كلام الابلة
شكرا على المرور الطيب

ابلة رويدا بصراحة كلام درس غالي او نصيحة غالية الله يبارك فيك

» كل واحد يعطي رايه
» فاحمرّ وجهها وابتسمت (قصة حب)